Gátlistar og viðmið

Gátlistar Heilsueflandi vinnustaða eru átta talsins og innan þeirra misjafnlega mörg viðmið. Í sumum tilfellum er viðmiðunum skipt í kafla til að auðvelda yfirferð.

Hér að neðan er mynd af einu viðmiði og kvarðanum sem er notaður til að skora viðmiðin.

• Leiðbeinandi upplýsingar eða nánari útskýringar er hægt að skoða með hverju viðmiði með því að smella á „Ítartexta“.
• Þegar vinnustaður mátar sig við viðmið og staðsetur stöðu vinnustaðar á kvarðanum er gott að skrá skýringar inni á „Skrá stöðu/aðgerð“
• Séu fulltrúarnir í stýrihópnum sammála um að viðmiðið eigi ekki við á vinnustaðnum geta þeir valið að blokkera það með því að haka við „Viðmið á ekki við“.

Kvarði 

Viðmið eru metin á kvarðanum 0 til 5. Kvarðinn mælir hversu vel vinnustaðurinn hefur tileinkað sér hvert viðmið fyrir sig.

Skorun viðmiða

• Stýrihópurinn sér um að skora viðmiðin
• Farið er yfir hvert viðmið og núverandi staða metin.
• Gott er að dreifa yfirferð viðmiða á nokkra fundi.
• Þegar viðmið eru skoruð í fyrsta sinn er dregin grunnlína fyrir hvern gátlista fyrir sig.
• Sum viðmið er auðvelt að skora en önnur krefjast huglægara mats.
• Ýmsar upplýsingar frá vinnustaðnum geta nýst við skorun viðmiða svo sem starfsmannakannanir, mannauðsstefnur, upplýsingar frá öryggisnefnd, áætlun um öryggi og heilbrigði starfsfólks o.s.frv.

Gott að hafa í huga

• Tilgangurinn er að finna hvaða atriði er hægt að vinna með til að bæta vellíðan á vinnustaðnum. Tilgangurinn er ekki að láta vinnustaðinn líta betur út en raunin er.
• Fulltrúar stýrihóps ættu að leggja sig fram við að sýna umburðarlyndi, skilning og heiðarleika við skorun viðmiða.
• Niðurstaðan er fyrir vinnustaðinn og er ekki borin saman við niðurstöður annarra vinnustaða.