Áherslur
Þegar skorun viðmiða er lokið eru niðurstöður nýttar til stefnumótunar á sviði heilsueflingar. Vinnustaðurinn velur hvað skuli leggja áherslu á hverju sinni, setur sér markmið og gerir áætlanir um útfærslu sem ná til sem flestra á vinnustaðnum.
Þegar niðurstöður úr skorun viðmiða liggja fyrir er æskilegt að kynna þær fyrir starfsfólki vinnustaðarins og leita eftir því hvaða áherslur það vill sjá á næstunni. Þá er gott til að mynda að velta fyrir sér eftirfarandi spurningum:
- Hvar eru styrkleikar vinnustaðarins hvað varðar heilsueflingu?
- Hvað er verið að gera vel?
- Hvar liggja tækifæri til vaxtar?
Þegar umræða hefur átt sér stað um styrkleika og tækifæri leitar stýrihópur eftir tillögum frá starfsfólki um hvað skuli leggja áherslu á í heilsueflingu á vinnustaðnum.
Viðmið valin
Stýrihópur velur síðan út frá tillögum starfsfólks hvaða viðmið leggja eigi áherslu á á ákveðnu tímabili (til dæmis misseri/ári).
Mælt með því að vinna að fáum viðmiðum fyrir sig í einu eða vinna í stökum gátlistum á hverju tímabili.
Heilsueflandi vinnustaður fyrir vinnustaðinn í heild
- Aðgerðir taki mið af því að aðstæður, færni, áhugi og forsendur starfsfólks eru ólíkar.
- Hafa skal samt í huga að þátttaka starfsfólks í viðburðum tengdum heilsueflingu er valfrjáls.
Búa þarf til samstöðu til að vinna að markmiðum varðandi heilsueflingu.
Kynningar þurfa að ná til alls starfsfólks.
- Til dæmis á starfsmanna/teymisfundum.
- Upplýsingar þurfa að ná til allra starfsstöðva.
- Þurfa kynningar að vera á fleiri en einu tungumáli?
- Með hvaða leiðum er best að deila upplýsingum?